گول دِئدیم گول دِئدیم، گول دِئدیم سَنه
قوی گوله قوی گوله، بویانیم گوزل
اَلیمنَن اَلیمنَن، اَلیمنَن یاپیش
قوی دویوم قوی دویوم، دایانیم گوزل
قویگینان قویگینان، زاماننان چیخیم
سن منه اُولگینان، زامانیم گوزل
گلگینن گلگینن ، آتیم مَسکنی
گل منه اولگینان، مکانیم گوزل
یامانسان یامانسان، یامانسان منه
یاخجیدان یاخجیدان، یامانیم گوزل
اود دوتوب اود دوتوب، اود دوتوب جانیم
هی یانیر هی یانیر، نَهانیم گوزل
جانیمسان جانیمسان، جانیمسان منیم
جانیمنان جانیمنان، جانانیم گوزل
خسته یَم خسته یَم، تاوانیم گِئدیب
سن گل اُول سن گل اُول، تاوانیم گوزل
آماندی آماندی ، آمان وِئر مَنه
آمانسیز آمانسیز آمانیم گوزل
یانگینان یانگینان، یانگینان منه
درویشم یوخ منیم، یانانیم گوزل
شاعر: تارویردی یوسف زاده (بابادرویش)