نِئجه دئییم گِئچن گِئجَم
صبحه چاتدی سحر اولدو
سن سیز منه گئچن گئجه
بیر کُشنده زَهَر اولدو
غمگین اولدوم گولَن مَدیم
غم پَردَسین دلن مَدیم
بِئله بیلدیم سنسیز، منیم
بوتون عومروم هدر اولدو
درد اَلینده یاندیم گئجه
عشقین دردین قاندیم گئجه
قهر الینده قَهَر لَندیم
گوولیم منیم کدر اولدو
قلبیم منیم پاره لَندی
زخمه دردی یاره لندی
گئجه گووده بیر آی کیمی
مثل شقّ القمر اولدو
گئچن گئجم گِئشدی گِئددی
باغریم باشین دِئشدی گئددی
حَقّه خاطیر زهری اوددوم
زهریم دوندو شکر اولدو
ایشدیم عشقین باده سین نن
خبر آلدیم جاده سین نن
یارب منه عشقین یولو
چوخ بیرگوزل سفر اولدو
بابا درویش باده ایشدی
یاحق دئدی اوددان گئشدی
سینه سین نن گلن سوزلر
بوتون دُرّ و گُهر اولدو